Си-ен-ен пишува дека ураганот Милтон е најсилната бура што се случила каде било на планетата оваа година. Метеорологот Џон Моралес се расплака додека зборуваше за невремето
Ураганот Милтон од четврта категорија се очекува да зајакне денеска додека му се заканува на мексиканскиот полуостров Јукатан на пат кон Флорида, каде на повеќе од милион луѓе им е наредено да се евакуираат. Милтон му се заканува на густо населениот западен брег на Флорида, кој сè уште се опоравува од последиците од разорниот ураган Хелен пред помалку од две недели.
Radar view vs. window view of Hurricane #Milton!
— NOAA Aircraft Operations Center (@NOAA_HurrHunter) October 7, 2024
The @NOAA WP-3D Orions are equipped with nose radar, Multi-Mode radar on the belly, and tail Doppler radar. Together, they help us safely navigate through the storm while completing mission objectives. #FlyNOAA pic.twitter.com/q91WaDTwsO
Inside the flight station aboard @NOAA’s WP-3D Orion 'Miss Piggy' as we fly straight into Hurricane #Milton!
— NOAA Aircraft Operations Center (@NOAA_HurrHunter) October 7, 2024
These flights collect critical data that helps improve forecasts and support hurricane research.
Follow @NHC_Atlantic for the latest forecast and advisories.
🎥Credit: Lt.… pic.twitter.com/4XieCd6NRx
Си-ен-ен пишува дека ураганот Милтон е најсилната бура што се случила каде било на планетата оваа година. Милтон е исто така најсилниот ураган на Атлантикот од Доријан во 2019 година, како и еден од 10-те најсилни урагани на Атлантикот што некогаш биле забележани.
„Нема друг начин да се каже. Во текот на следните неколку дена, заливот Тампа ќе се соочи со најголемиот ураган што го погодил во последните 100 години“,
рече на прес-конференција директорката за управување со вонредни состојби во округот Пинелас, Кети Перкинс.
At 10:28 a.m. EDT October 7, the space station flew over Hurricane Milton and external cameras captured views of the category 5 storm, packing winds of 175 miles an hour, moving across the Gulf of Mexico toward the west coast of Florida. pic.twitter.com/MTtdUosiEc
— International Space Station (@Space_Station) October 7, 2024
Метеорологот Џон Моралес се расплака додека зборуваше за невремето.
„Тоа е едноставно неверојатен, неверојатен ураган. Се извинувам, ова е едноставно ужасно“,
рече тој низ солзи.
Ветрови со брзина од 250 км/ч
Американскиот Национален центар за урагани предвидува дека бурата најверојатно ќе ја погоди градската област на заливот Тампа, област во која живеат повеќе од три милиони луѓе и во која дел од населението веќе се обиде да го исчисти нередот што го остави Хелен.
Милтон се приближува кон копното со ветрови до 250 километри на час. Во меѓувреме, неговата разорна моќ беше намалена од 5 на 4 на скалата Сафир-Симпсон од пет степени, соопшти Националниот центар за урагани рано во вторникот.
И додека интензитетот на Милтон се очекува да варира, Центарот за урагани предвидува дека тој ќе остане исклучително опасен и ќе падне на брегот на Флорида, што значи дека ќе предизвика катастрофални штети, вклучително и прекин на електричната енергија што може да трае со денови.
Подгреан од топлите води од Мексиканскиот залив, Милтон стана третата најбрза бура досега во Атлантскиот Океан, соопшти Центарот за урагани, додавајќи дека за помалку од 24 часа прераснала од тропска бура во ураган од петта категорија.
Џејми Ром, заменик-директор на Националниот центар за урагани, рече дека се очекува Милтон дополнително да зајакне пред да стигне на копно во среда, поради што стотици километри од крајбрежјето ќе се најдат во зоната на опасноста од бурата.
Рон на вчерашната прес-конференција рече дека Милтон најверојатно ќе остане ураган во текот на неговото патување низ полуостровот Флорида. На жителите кои живеат долж западниот брег на Флорида им беше наредено да се евакуираат на повисоките места.
Со оглед на тоа што вторник е последниот ден за евакуација на луѓето, локалните власти изразија загриженост за можниот сообраќаен метеж и долгите колони на бензинските пумпи.