Од МВР велат дека кичевецот бил задржан во полициска станица и по целосно документирање на случајот против него ќе биде поднесена соодветна пријава
Во домот на 64-годишниот кичевец С.З. полицијата вчера пронашла неколку пакувања и тегли со марихуана, дигитална вага и други предмети и остатоци од марихуана.
Како што информираат од Министерството за внатрешни работи (МВР), марихуана била пронајдена при претрес во неговиот дом и била одземена.
„На 7.10.2024 во 23.40 часот во Кичево, полициски службеници од Надворешната канцеларија за криминалистички работи при ОВР Кичево го лишиле од слобода С.З. (64) од Кичево. При претрес во неговиот дом, извршен со судска наредба, биле пронајдени и одземени повеќе пакувања и неколку тегли со марихуана, дигитална вага и други предмети со остатоци од марихуана“,
се наведува во полициското соопштение.
Кичевецот бил лишен од слобода и задржан во полициска станица, а од МВР велат дека по целосно документирање на случајот против него ќе биде поднесена соодветна пријава.