Израелските сили велат дека џамијата се користела како команден и контролен центар на Хамас „за планирање и изведување терористички операции против силите на ИД и државата Израел“, и дека презела чекори за да се намали можноста да им се наштети на цивилите
Цивилната одбрана во Газа денеска соопшти дека најмалку 24 лица загинале од израелскиот напад врз џамијата во Газа. Канцеларијата за медиуми на владата во Газа, управувана од Хамас, соопшти дека 93 лица се ранети во нападите врз џамијата и училиштето, во близина на болницата „Ал Акса“ во Деир ал-Балах во централниот дел на Појасот Газа, пренесува „Гардијан“.
Израелската војска соопшти дека мета биле борци на палестинската организација Хамас.
Портпаролот на цивилната одбрана Махмуд Басал изјави дека има многу ранети пред влезот на болницата „Ал Акса“ во тој град.
Израелските сили велат дека џамијата се користела како команден и контролен центар на Хамас „за планирање и изведување терористички операции против силите на ИД и државата Израел“, и дека презела чекори за да се намали можноста да им се наштети на цивилите.
„Ова е уште еден пример за тоа како Хамас ја користи цивилната инфраструктура, во спротивност со меѓународното право“,
соопшти ИДФ.
Нападот на џамијата се случил рано утринава, откако Израел вчера го бомбардираше Либан.