Здравствените власти засега не препорачуваат олеснување на мерките за заштита од ковид-19

Трендот на нови случаи со ковид-19 во следните два дена, како што се посочува, ќе биде разгледуван на состанокот на Комисијата за заразни болести в понеделник, по што ќе бидат дадени нови препораки до Владата

Да останат во сила досегашните мерки за заштита од ширење на коронавирусот – е денешната препорака од Комисијата за заразни болести до Владата.

Министерството за здравство соопшти дека денеска Комисијата за заразни болести одржа состанок на кој е разгледана можноста за олеснување на досегашните мерки за превенција и заштита од ширење на коронавирусот. Министерството за здравство и Комисијата за заразни болести одлучија да препорачаат до Владата сите досега донесени мерки да останат во сила.

Од бројките на новозаразени зависи понатамошното олабавување на мерките

Трендот на нови случаи со ковид-19 во следните два дена, како што се посочува, ќе биде разгледуван на состанокот на Комисијата за заразни болести в понеделник, по што ќе бидат дадени нови препораки до Владата за понатамошно постапување во однос на мерките.

Министерството за здравство апелира до граѓаните доследно да се придржуваат до мерките, да ја почитуваат забраната за групи поголеми од две лица, да се држи дистанца од најмалку два метра и задолжително да се носи заштитна опрема за лице во случај кога просторот меѓу граѓаните е помал од пропишаното.