На Институтот за трансфузиона медицина – Скопје е именуван Амир Елези, на Институт за позитронско-емисиона томографија, Невена Маневска, и на Специјализираната болница за геријатриска и палијативна медицина „13 Ноември“ – Скопје е поставен Мухсин Арифи
Министерот за здравство Арбен Таравари изминатите неколку дена именуваше нови в.д. директори во 14 јавни здравствени установи, соопштија од министерството за здравство.
Од скопските клиники се направени смени на Универзитетската клиника за торакална и васкуларна хирургија, каде што е назначен Игорче Џиковски и на Клиниката за детска хирургија, каде за нов директор е именуван Лазе Јовчевски.
На Институтот за трансфузиона медицина – Скопје е именуван Амир Елези, на Институт за позитронско-емисиона томографија, Невена Маневска, и на Специјализираната болница за геријатриска и палијативна медицина „13 Ноември“ – Скопје е поставен Мухсин Арифи.
Директорски смени се направени и на повеќе болници во внатрешноста. Па така, на Клиничката болница Битола, сега е Ненси Лозанче, на Општата болница Куманово – Стефан Трајановски, на Општата болница Велес – Александар Бузалков, на Психијатриската болница Демир Хисар – Стевче Цветановски и на Општата болница Охрид – Горан Маркоски.
Нова директорка на Здравствениот дом Вевчани е Рената Пешиновска, а на Здравствениот дом Радовиш – Стојанче Петров.
Шпенди Амети е на чело на Центарот за јавно здравје Тетово, и Горан Кузески на Центарот за јавно здравје Прилеп.