Студија на СЗО предвидува дека меѓу 29 и 44 милиони луѓе би можеле да бидат заразени во првата година од пандемија, што ќе ги надмине медицинските капацитет во поголемиот дел од континентот, каде што има само девет легла за интензивна нега на милион луѓе
Пандемијата на ковид-19 може да „тлее“ во Африка неколку години, откако во следните 12 месеци ќе убие и до 190.000 луѓе, соопшти Светската здравствена организација.
СЗО предупреди минатиот месец дека 10 милиони заразени би можело да има на тој континент во рок од шест месеци, иако експертите велат дека влијанието на пандемијата ќе зависи од дејствијата на владите.
Студијата објавена од СЗО оваа недела предвидува дека меѓу 29 и 44 милиони луѓе би можеле да бидат заразени во првата година од пандемија ако не успеат рестриктивните мерки. Ова „ќе го надмине расположливиот медицински капацитет во поголемиот дел од Африка“, каде има само девет легла за интензивна нега на милион луѓе.
„Ковид-19 во Африка веројатно нема да се прошири толку експоненцијално, како на други места во светот, но се очекува да тлее во одредени жаришта. Ковид-19 би можел да стане пресвртница во нашите животи во следните неколку години, ако владите во регионот не заземат проактивен пристап“ ,
рече директорот на СЗО за Африка, Матшидисо Моети.
Повеќе од 51.000 луѓе во Африка се заразени, а 2.012 починаа. Вкупниот број на случаи нагло се зголеми во текот на изминатата недела