„Имате директна пруга која оди од населбата Драчево до центарот на Скопје, до главната Железничка станица. Зошто некој да се вози со автобус или со автомобил, да се создава загадување, кога може во точно предвидено време да стига од Драчево до Скопје? Тоа е нешто што ќе го иницирам со новиот директор на ‘Македонски железници‘, рече министерот за транспорт и врски
Можеме да размислуваме за воведување на т.н. градски воз во рамки на Градот Скопје, нешто што го имаат поголемите градови низ Европа. Со тоа ќе се искористи постојната инфраструктура во градот, која е релативно добра и на тој начин претпријатието „Македонски железници“ да генерира значајна сума на средства кои ги нема сега.
Ова денеска во вестите на ТВ Сител го изјави новиот министер за транспорт и врски Александар Николоски посочувајќи дека на тој начин ќе можат да се искористат возовите што биле набавени од Кина пред крајот на мандатот на претходната влада на ВМРО-ДПМНЕ.
„Имате директна пруга која оди од населбата Драчево до центарот на Скопје, до главната Железничка станица. Зошто некој да се вози со автобус или со автомобил, да се создава загадување, кога може во точно предвидено време да стига од Драчево до Скопје? Тоа е нешто што ќе го иницирам со новиот директор на ‘Македонски железници‘,
реече тој.
Според него, следната сезона, која, како што рече, почнува во пролет, може да се отвори со ваков воз.
„Има таква инфраструктура и до општината Ѓорче Петров и до општината Бутел и до делови од општината Гази Баба. Може да се направи еден цел прстен во Скопје, особено во наслеби што се тешко поврзани со центарот на градот. На тој начин ќе можат брзо да дојдат до центарот, а да се растерети сообраќајот“,
вели министерот за транспорт.
Најави дека за овој проект нема да има потреба да се купуваат нови возови, туку можат да се искористат постојните возови, кои се купиле на крајот на мандатот на ВМРО-ДПМНЕ.
„Не се потребни нови возови. Тие кои ги имаме се сосема солидни. Се работи за градски возови“,
рече Николоски.
За изградбата на пругата од Куманово до Деве Баир, според него, веднаш ќе се реализираат првите две фази, кои се работат, а за третата за која се предвидени грантови и кредити, потенцира, не е почната постапката.
Затоа, за таа фаза рече дека поконкретно ќе може да каже за месец или два.