Погледнете го новото издание на емисијата „360 степени”, емитувано на 10 јуни 2024 г. на МРТ 1, во кое гостува Кренар Лога, министер за правда во заминување, кадар на Алијанса за Албанците на Зијадин Села
„Што ако утре, се најавува дека министер за односи меѓу заедниците ќе биде Стоиљковиќ, каже дека се колне во Јужна Србија, како што некои од Србија велат за Македонија?! Или ако некој каже турска Македонија, или илириска Македонија, или албанска Македонија, тогаш ќе биде ли слобода на изразување или не“, прашува сѐ уште актуелниот министер за правда, кадар на Алијанса за Албанците на Зијадин Села, коментирајќи ги изјавите на претседателката Гордана Силјановска-Давкова и на мандатарот Христијан Мицкоски за тоа дека имаат право да ја нарекуваат земјава како што сакаат. Кренар Лога, кој гостува во новото издание на „360 степени“ на МРТ 1, открива дека како „Европски фронт” решиле да ја прифатат поканата од ВМРО-ДПМНЕ и да разговараат за сите важни прашања за државата, објаснувајќи како се стигнало до поддршка за законот за реорганизација на министерствата. Тема е и писмото што го испрати до дел од амбасадите во земјава, но и до Брисел и Вашингтон, со загриженост за најавите на ВМРО-ДПМНЕ за распуштање на Судскиот совет и на Советот на јавни обвинители. Лога смета дека ЕУ и САД нема да се согласат со распуштање на советите.