(ВИДЕО) Авион со часови кружел над аеродром во Австралија - слетал без тркала лизгајќи се по пистата

На видеото поставено на социјалната мрежа Икс се гледа како авионот се приближува кон пистата без опрема за слетување. Без тркала, кои се поставуваат пред слетување на авионот, тој се спушта лизгајќи се по пистата. Според австралиските медиуми, пред да застане авионот се лизгал 500 метри по пистата

Мал авион „супер кинг Б-200“ со часови кружел над аеродромот во Њукасл во Нов Јужен Велс во Австралија, пред итно да слета со исклучени мотори и со кренати тркала, пренесува Си-ен-ен.

Пилотот и двајцата патници не биле повредени по слетувањето на авионот, на кој му се случил механички дефект поради кој бил принуден да слета без тркала, директно лизгајќи се по пистата.

На видеото поставено на социјалната мрежа Икс се гледа како авионот се приближува кон пистата без опрема за слетување. Без тркала, кои се поставуваат пред слетување на авионот, тој се спушта лизгајќи се по пистата. Според австралиските медиуми, пред да застане авионот се лизгал 500 метри по пистата.

Амбулантни возила и противпожарни екипи веднаш интервенирале со цел да ги извадат патниците и пилотот од авионот.

A pilot has made a successful emergency landing at Newcastle Airport after reporting a landing gear failure.

The plane had been circling for almost four hours in an effort to burn off excess fuel and reduce the aircraft’s weight. #9News

READ MORE: https://t.co/nFSSpvGPFs pic.twitter.com/hT0pl0Y3bt
— 9News Sydney (@9NewsSyd) May 13, 2024

Началникот на полицијата на Нов Јужен Велс, Вејн Хемфри, го пофалил 53-годишниот пилот за успешното слетување посочувајќи дека меѓу патниците нема повредени, па дека дури можеле и веднаш да заминат дома.

„Пилотот направи успешно слетување. Звучеше смирено додека комуницираше со контролорите на летање“,
рече тој.

Како што пренесува Си-ен-ен, повикувајќи се на „7 њуз Австралија“, авионот пред да слета неколку часа кружел околу аеродромот. Контролорите на летање аплаудирале кога го виделе безбедното слетување на авионот.