Според него, нема никаква логика партија која има победено во одредени избирачки места да поднесува приговори за тие изирачки места, освен ако „единствена цел е да му се оневозможи на ‘Европскиот фронт’ да биде втора политичка сила во земјата, иако легитмитетот го има добиено на демократски начин“
Македонските политички партии во координација со коалицијата „Вреди“ сакаат преку ДИК да ѝ одземат еден до два пратенички мандата на коалицијата „Европскиот фронт“, обвинија денеска на прес-конференција од оваа коалиција предводена од ДУИ.
Според Скендер Реџепи, лидер на партијата Народно движење, станува збор за кривично дело за кое „Европскиот фронт“ ќе ги преземе сите демократски средства.
„Политичките чинители во земјава, првенствено македонските политички чинители во координација со ‘Вреди’, настојуваат по секоја цена да влијаат во ДИК за на ‘Европскиот фронт’ да му се одземат еден до два мандати со цел ‘Европскиот фронт’ да не биде втората политичка сила во Македонија. Ова е кривично дело и ‘Европскиот фронт’ ќе ги преземе сите демократски средства да се оневозможи една ваква злоупотреба“,
изјави Реџепи.
Според него, нема никаква логика партија која има победено во одредени избирачки места да поднесува приговори за тие изирачки места, освен ако „единствена цел е да му се оневозможи на ‘Европскиот фронт’ да биде втора политичка сила во земјата, иако легитмитетот го има добиено на демократски начин“.
Во Државната изборна комисија во тек е разгледувањето на приговорите поднесени за изборните резултати. До ДИК се поднесени 27 приговори од кои девет се од коалицијата „Вреди“, осум од ВМРО-ДПМНЕ, пет од СДСМ и четири од Левица.