На охридскиот аеродром „Св. Апостол Павле“ со чартер-лет пристигна првата група холандски туристи
Гостите од Холандија со години наназад се редовни посетители на градот Охрид и охридското крајбрежје. Со чартер-лет денеска на аеродромот во Охрид пристигна првата група од 150 холандски туристи. Од денеска па сè до октомври, со три директни чартер-летови од Амстердам до Охрид околу 700 холандски туристи на неделно ниво ќе престојуваат во најпознатиот македоснки туристички центар.
На скопскиот аеродром, пак, денеска пристигна првата група од 120 шпански туристи. Од ТАВ Македонија соопштија дека овој лет е плод на иницијатива за отворање директни летови на релација Македонија – Шпанија во иднина, со цел да се создаде побарувачка за авионско поврзување помеѓу двата главни града на земјите, Мадрид и Скопје.
