Иранската авиокомпанија „Махан ер“, поврзана со Иранската револуционерна гарда, превезувала патници заразени со ковид-19 и со тоа придонела во ширење на вирусот на Блискиот Исток, објави Би-би-си.
Компанијата превезувала заразени патници од Иран во Либан и во Ирак, по што во двете земји се појавиле првите случаи на новиот коронавирус.
Неименуван извор од од авиокомпанијата тврди дека членовите на екипажот од авионот на „Махан ер“ биле замолчени кога се обиделе да укажат на несоодветните превентивни мерки на летовите кон Либан и Ирак.
Според евиденциите за воздушен сообраќај во Централна Азија, констатирано е дека авионите на „Махан ер“ повеќе пати летале и за Кина и покрај забраната на Иран за воздушен сообраќај.
Иранската авиокомпанија не ги коментира наводите на Би-би-си.