Во земјава досега од ковид-19 се заразиле 235 здравствени работници, а од нив 184 се излекувани и голем дел од нив веќе се вратени на работните места.
„Тоа овозможи повеќе институции каде што работата беше забавена, компромитирана или целосно не функционираа, веќе се целосно во функција, како што се одделенијата на детската клиника, Институтот за рехабилитација, еве и болницата во Куманово“,
вели министерот за здравство, Венко Филипче.
Конкретно за кумановската болница, тој посочи дека таму биле заразени 70 здравствени работници, а над 50 се излекувани и вратени на работа, па сега, тврди, сите одделенија таму функционираат нормално.