Типот на рак не е откриен. Таа започнала со хемотерапија кон крајот на февруари, а објавата доаѓа бидејќи нејзиниот свекор, кралот Чарлс, исто така се подложи на третман за рак
На Кејт Мидлтон, принцезата од Велс, ѝ бил дијагностициран рак и е на хемотерапија, откри таа во видеопорака објавена денеска на социјалните мрежи, два месеца откако беше подложена на „голема“ операција на абдоменот.
Типот на рак не е откриен. Таа започнала со хемотерапија кон крајот на февруари, а објавата доаѓа бидејќи нејзиниот свекор, кралот Чарлс, исто така се подложи на третман за рак.
„Ова, се разбира, дојде како огромен шок, а Вилијам и јас правиме сѐ што можеме за да поминеме низ ова приватно за доброто на нашето младо семејство. Како што можете да замислите, за ова беше потребно време“,
вели 42-годишната Кејт во видеото кое е снимено во Виндзор.
A message from Catherine, The Princess of Wales pic.twitter.com/5LQT1qGarK
— The Prince and Princess of Wales (@KensingtonRoyal) March 22, 2024
Ракот е откриен на постоперативните тестови по мојата абдоминална операција во средината на јануари, додава Кејт.
„Во тоа време се мислеше дека мојата состојба не е канцерогена“,
изјави таа.
Видот на операцијата на која таа била подложена не е објавен.
„Операцијата беше успешна. Меѓутоа, тестовите по операцијата покажаа дека има рак. Затоа мојот медицински тим ме советуваше да преминам на превентивна хемотерапија и сега сум во раните фази на тој третман“,
вели Кејт во видеото.
За време на операцијата на Кејт, палатата Кенсингтон рече дека нејзината состојба не е канцерогена. Оттогаш, палатата дава малку информации за нејзината состојба.
„Ни требаше време да им објасниме сè на Џорџ, Шарлот и Луис на начин што е соодветен за нив и да ги увериме дека ќе бидам добро. Како што им реков, јас сум добро и станувам сѐ посилна секој ден со тоа што се фокусирам на работите што ќе ми помогнат да заздравам“,
вели Кејт.
Кејт додадав дека нејзиниот сопруг Вилијам, принцот од Велс, е покрај неа и „е одличен извор на утеха и сигурност“.
„Се надеваме оти ќе разберете дека, како семејство, сега ни треба малку време, простор и приватност додека го завршувам третманот. Мојата работа отсекогаш ми носи длабоко чувство на радост и со нетрпение очекувам да се вратам кога ќе бидам во можност, но засега морам да се фокусирам на целосно закрепнување. Размислувам и за сите оние чии животи биле погодени од рак. За сите кои се соочуваат со оваа болест, во која било форма, ве молиме не губете верба или надеж. Не сте сами“,
рече Кејт.
Кејт ќе се врати на службените должности кога ќе биде ослободена од медицинскиот тим.
Свекорот на Кејт, кралот Чарлс Трети, исто така е на третман од неоткриен тип на рак.
Дијагнозата на ракот на кралот, која дојде откако тој беше лекуван од бенигно зголемување на простатата, беше објавена јавно од палатата на 5 февруари.
Видот на третманот не е откриен.