Израел: Убивме уште 50 милитанти во болничкиот кварт во Газа

Израелските сили објавија и дека пронашле складишта за оружје. Цивилите, пациентите и лекарите не се повредени, а медицинската опрема не е оштетена, тврдат од армијата

Во продолжението на офанзивата на израелската армија врз болницата „Ал Шифа“ во градот Газа, загинаа уште педесетина милитанти, соопшти денеска израелската армија.

„Повеќе од 50 терористи се елиминирани во размената на оган во изминатиот ден“,

соопшти армијата, додавајќи дека повеќе од 140 милитанти се елиминирани во болничката област од почетокот на операцијата пред неколку дена.

Израелските сили објавија и дека пронашле складишта за оружје. Цивилите, пациентите и лекарите не се повредени, а медицинската опрема не е оштетена, тврдат од армијата.

Информациите не можеа веднаш да бидат независно проверени, пишуваат светските медиуми.

Израелските сили упаднаа во најголемата болница во Појасот Газа во понеделникот рано наутро во напад врз Хамас и неговата инфраструктура.

Израелската војска ја нападна болницата „Ал Шифа“ во Газа

Во операцијата досега се убиени двајца израелски војници, соопшти армијата. Приведени се околу 160 осомничени. Израелската војска веќе изврши рација во „Ал Шифа“ во средината на ноември и рече дека таму пронашла тунелски комплекс на Хамас.

Пронајдено оружје и терористичка инфраструктура во болницата „Ал Шифа“, тврди израелската војска

Војната во Газа ја предизвика масакрот кој го направија терористите на Хамас и други екстремистички палестински групи на 7 октомври во Израел, во близина на границата со Појасот Газа.

Израел е изложен на сè погласни меѓународни критики поради големиот број цивилни жртви и катастрофалните услови во Појасот Газа.