„Значи, сакаме да продолжиме понатаму без казни и инциденти. Уставноста и законитоста ми се приоритет, но во исто време се грижиме и за мирот и безбедноста, се грижиме и за благосостојбата на граѓаните на Србија. Јас сум премиерот кој не сака граѓаните да имаат помалку пари, туку да имаат повеќе. Динарот не е забранет во Косово, се работи само за динарот како платежно средство, а не за динарот што можат да го имаат граѓаните. Не сакаме да казнуваме никого, на кој било начин, туку оваа транзиција да ја направиме секоја трансакција да биде легализирана и формализирана“, рече косовскиот премиер
Република Косово нема сојузнички партнер или пријател како што се САД, јас така ги сметам и соработувам како премиер на Косово, рекол денеска косовскиот премиер Албин Курти, прашан за изјавата на американскиот помошник државен секретар Џејмс О’Брајан дека со одлуката да се замени динарот до евра, како официјална валута во земјата, владата на Косово го довела во прашање партнерството со САД.
„Односите со Соединетите Американски Држави не се загрозени. Централната банка на Косово (ЦБК) претстави план од 10 точки за спроведување на нејзините регулативи. Ние сме демократска република, власта не се поклопува со независни институции како што е ЦБК“,
вели косовскиот премиер.
Курти посочи дека меѓу овие 10 точки како работен план за спроведување на регулативата, ЦБК не предвидела никакви казнени мерки.
„Значи, сакаме да продолжиме понатаму без казни и инциденти. Уставноста и законитоста ми се приоритет, но во исто време се грижиме и за мирот и безбедноста, се грижиме и за благосостојбата на граѓаните на Србија. Јас сум премиерот кој не сака граѓаните да имаат помалку пари, туку да имаат повеќе. Динарот не е забранет во Косово, се работи само за динарот како платежно средство, а не за динарот што можат да го имаат граѓаните. Не сакаме да казнуваме никого, на кој било начин, туку оваа транзиција да ја направиме секоја трансакција да биде легализирана и формализирана“,
рече тој.
Тој посочи дека Косово е благодарно на САД за сите придонеси што ги дале и продолжуваат да ги даваат во изминатите 25 години.
„Не верувам дека граѓаните на Србија тоа го гледаат како проблем, но официјален Белград, кој не ја прифаќа нашата независност, е тој што ги носи овие предапокалиптични аларми. Што се однесува до ЦБК, што се однесува до нашиот финансиски систем, ние сме благодарни на САД за сè што придонесоа во овие 25 години на ослободеното Косово“,
рече Курти.
Американскиот помошник државен секретар Џејмс О’Брајан во интервју за албанскиот сервис на „Гласот на Америка“, коментирајќи ја новата регулатива на Централната банка на Косово со која еврото станува единствената валута за плаќање во Косово, рече дека САД се многу загрижени поради одлуката на косовската влада да не дозволи користење на динарот.
Со тоа О‘Брајан вели дека косовската влада го доведува во прашање партнерството со САД.
„Јас не упатувам нејасни закани во јавноста. Би рекол дека ако не не третираат како партнер, нема да ја третираме ниту владата на Косово како партнер“.
вели помошник државниот секретар на САД.
Според новата регулатива на Централната банка на Косово, еврото станува единствената валута за плаќање во Косово откако меѓународната заедница повика оваа одлука да биде одложена за транзициски период. Но, Централната банка на Косово даде само тримесечен период за едукација и информирање на граѓаните.
О‘Брајан смета дека оваа одлука треба да се повлече, а потоа да се бара решение на проблемот, како што според него тоа го прават современите европски држави.
Европската Унија пред две недели повика на воведување доволно долг преоден рок за примена на одлуката на Централната банка во Приштина за забрана на користењето други валути во Косово, освен еврото, со цел да се најде решение за ова прашање по пат на преговори.