Според објавите на официјалните фејсбук-страници на дел од македонските амбасади во европските држави, патниот лист ќе биде наменет само за патување во еден правец – од странска држава кон Северна Македонија. Тоа значи дека македонските државјани со овој документ ќе може да патуваат единствено до С Македонија каде што потоа би аплицирале за издавање пасош со новото уставно име
Македонските државјани во дијаспората, кои до денеска (12 февруари) сè уште немаат извадено пасош со новото уставно име на државата, ќе може да извадат патен лист со кој ќе може да влезат во С Македонија и тука да извадат валиден пасош. Патниот лист ќе се издава во амбасадите и дипломатско-конзуларните претставништва на земјава во странство и ќе чини 30 евра. Важноста на патниот лист ќе биде 30 дена од денот на издавање.
Според објавите на официјалните фејсбук-страници на дел од македонските амбасади во европските држави, патниот лист ќе биде наменет само за патување во еден правец – од странска држава кон Северна Македонија. Тоа значи дека македонските државјани со овој документ ќе може да патуваат единствено до С Македонија каде што потоа би аплицирале за издавање пасош со новото уставно име.
„Патниот лист е важечки документ за патување во еден правец, кон Република Северна Македонија, а во земјата треба да се поднесе барање за издавање нова патна исправа (пасош), со новото уставно име“,
информираат од Амбасадата на РСМ во Обединетото Кралство.
Во дел од македонските амбасади, како оние во Германија, патните листови ќе може да се извадат без закажување, додека, на пример, во македонските амбасади во Обединетото Кралство и во Холандија, граѓаните ќе треба да закажат термин за издавање на патниот лист по пат на електронската пошта на Амбасадата.
„Потребни документи за издавање патен лист се пасош, пополнето барање за издавање патен лист, две слики и конзуларна такса 30 евра“,
наведуваат од Амбасадата на РСМ во Германија.