Иранската новинска агенција Тасним, повикувајќи се на сигурни извори, објави дека „експлодирале две вреќи со бомби“ во близина на гробницата на воениот командант Касем Сулејмани. Бомбите очигледно биле активирани со далечински управувач, додава агенцијата. Сулејмани, командант на елитните ирански сили Кудс, беше водач на иранските воени операции на Блискиот исток и беше убиен од САД во јануари 2020 година во Ирак
Во две експлозии предизвикани од „терористички напади“ во Иран загинаа повеќе од 100 луѓе, а десетици беа ранети, на одбележувањето на годишнината од смртта на воениот командант Касем Сулејмани, убиен во напад на американско беспилотно летало во 2020 година, објавија иранските власти.
Иранската државна телевизија ја објави првата, а потоа и втората експлозија за време на комеморативната церемонија на гробиштата каде што беше погребан Сулејмани во Керман, град во југоисточниот дел на земјата.
„Експлозиите беа предизвикани од терористички напади“,
цитираа државните медиуми локален функционер во провинцијата Керман.
Бабак Јектапараст, портпарол на иранската служба за итни случаи, подоцна објави дека 103 лица загинале, а 140 се повредени.
At least 53 people have been killed and 71 others wounded in the explosions near Qassem Soleimani’s grave, Iranian authorities say. #Iran https://t.co/ddbzLu4Ubb pic.twitter.com/yXEV7HsR5J
— Al Arabiya English (@AlArabiya_Eng) January 3, 2024
BREAKING:
— Globe Eye News (@GlobeEyeNews) January 3, 2024
Iranian state media reports an explosion near Kerman city cemetery where Qasem Soleimani is buried. pic.twitter.com/VIof5hkcdM
„Огромна експлозија се случи во близина на џамијата Сахеб ал Заман, каде што се наоѓа гробот на Сулејмани во Керман“,
објави државната телевизија, додавајќи дека втората експлозија се случила неколку минути подоцна, пренесува агенцијата Франс прес.
Footage shows the moment the explosion happened outside #Kerman’s Martyrs Cemetery during the commemoration of the martyrdom of Martyrs Soleimani and Al-Muhandis.#Iran pic.twitter.com/XcK5Lt9sSy
— Al Mayadeen English (@MayadeenEnglish) January 3, 2024
Иранската новинска агенција Тасним, повикувајќи се на сигурни извори, објави дека „експлодирале две вреќи со бомби“ во близина на гробницата. Бомбите очигледно биле активирани со далечински управувач, додава агенцијата.
Новинската агенција ИСНА го цитираше градоначалникот на Керман, Саид Табризи, кој рече дека бомбите експлодирале со разлика од 10 минути.
„Одевме кон гробиштата кога еден автомобил одеднаш застана зад нас и експлодираше корпа за отпадоци во која имаше бомба“,
изјави очевидец, цитиран од ИСНА.
Иранскиот министер за внатрешни работи Ахмад Вахиди, рече дека безбедносните власти ќе одговорат „брзо и силно“ на двојните бомбашки напади.
Вахиди рече дека повеќето од жртвите во југоисточниот град Керман биле убиени во вториот бомбашки напад.
„Нашите полициски сили се во состојба на готовност и ќе ги изведат пред лицето на правдата оние што го извршија ова кривично дело“,
изјави министерот за државната телевизија.
САД го убија Сулејмани во Ирак во 2020 година
Сулејмани, командант на елитните ирански сили Кудс, беше водач на иранските воени операции на Блискиот исток и беше убиен од САД во јануари 2020 година во Ирак.
Тој беше задолжен за тајните мисии на силите Кудс и обезбедуваше насоки, финансирање, оружје, разузнавачка и логистичка поддршка на сојузничките влади и вооружените групи, вклучувајќи ги Хамас и Хезболах. Тогаш американскиот претседател Доналд Трамп, кој го нареди убиството во 2020 година, го опиша Сулејмани како „терорист број еден во светот“.
Врховниот водач ајатолахот Али Хамнеи го нарече Сулејмани „жив маченик“ додека тој сè уште беше жив.
Експлозиите се случија во тензичен момент во регионот
Експлозиите се случија во услови на зголемени тензии во регионот додека Израел води војна против Хамас во Газа.
Вчера, висок лидер на Хамас беше убиен во предградие на Бејрут во експлозија за која американски официјален претставник изјави за Си-ен-ен дека ја извршил Израел. Израел ниту ја потврди ниту ја негираше вмешаноста, но Хамас и милитантната група Хезболах, која го контролира предградието, го обвинија Израел и ветија одмазда.
Лидерот на Хезболах, Хасан Насрала, денеска треба да одржи говор, трет по избивањето на војната. Говорот беше најавен пред нападите во Бејрут. Израел го обвинува Техеран за финансирање и вооружување на Хамас. Израелскиот министер за одбрана Јоав Галант, минатиот месец изјави дека неговата земја е во „војна на повеќе фронтови“.
Соединетите Американски Држави, исто така, неодамна го зголемија своето воено учество на Блискиот Исток. Минатиот месец војската изврши воздушни напади против Катаиб Хезболах, поддржан од Иран и „поврзани групи“ во Ирак.