Официјалните детали за инцидентот се сè уште нејасни. Откако добиле пријава за пукање во кампусот, полицајците „веднаш реагирале“, изјави за медиумите портпаролот на универзитетската полиција Адам Гарсија
Во пукање во главниот кампус на Универзитетот во Невада (УНЛВ), Лас Вегас, загинаа најмалку три лица пред крвопролевањето да заврши со смртта на осомничениот, соопштија властите. Не е јасно дали осомничениот бил застрелан од полицијата или се самоубил.
Винсент Перез, професор во училиштето, во телефонска изјава за МСНБЦ рекол дека слушнал многу пукотници пред да се засолни во кампусот.
„Би рекол седум, осум истрели, еден по друг, многу гласни. Штом го слушнавме тоа, се вративме внатре и сфативме дека ова е вистинско пукање и дека има активен стрелец во кампусот“,
рекол тој.
Официјалните детали за инцидентот се сè уште нејасни. Откако добиле пријава за пукање во кампусот, полицајците „веднаш реагирале“, изјави за медиумите портпаролот на универзитетската полиција Адам Гарсија.
„Осомничениот е мртов“,
додаде тој.
Полицијата брзо соопшти дека осомничениот е мртов
Шерифот Кевин Мекмахил од метрополитенската полиција во Лас Вегас рече дека веќе нема никаква закана за заедницата, но главниот кампус и другите универзитетски ограноци биле затворени за тој ден „како мерка на претпазливост“. Полицајците сè уште ја пребаруваат секоја зграда за да се уверат дека „нема веќе жртви“, рекол шерифот.
BREAKING: There is an active shooter at Nevada’s University of Las Vegas @unlv.
— Laura Loomer (@LauraLoomer) December 6, 2023
Multiple victims reported. pic.twitter.com/mWDcidVHEq
Извор од полицијата потврдил за Си-ен-ен дека напаѓачот е 67-годишен универзитетски професор поврзан со колеџи во Џорџија и Северна Каролина, но не е јасно како тој бил поврзан со универзитетот каде што се случило пукањето. На прес-конференција Мекмахил објави дека идентитетот на убиецот, кој е мртов, нема да биде објавен додека неговото семејство не биде известено.
BREAKING SHOOTING: Active shooter reported on campus of Nevada University, Las Vegas (UNLV), police say there appears to be multiple victims pic.twitter.com/ooLalfmoZf
— Insider Paper (@TheInsiderPaper) December 6, 2023
Првите извештаи за инцидентот се појавија околу пладне по локално време, а за околу половина час полицијата во Лас Вегас извести дека „осомничениот е лоциран и мртов“. Кампусот УНЛВ, кој се наоѓа на помалку од две милји источно од Лас Вегас Стрип, има приближно 25 000 студенти и 8 000 постдипломци и докторанти.