Возачот на автомобилот В.М. се здобил со тешки телесни повреди кои биле констатирани во Комплексот клиники „Мајка Тереза“
Дваесет и четиригодишна државјанка на Република Албанија вчера загинала во сообраќајна несреќа кај селото Ласкарци, Скопско, а уште едно лице се здобило со тешки телесни повреди.
Како што информираат од Министерството за внатрешни работи, сообраќајката се случила кога возило „ауди“ со албански регистарски таблички излетало од коловозот во атарот на селото Ласкарци.
„На 28.11.2023 во 14 часот во СВР Скопје било пријавено дека на автопатот ’Мајка Тереза’ во насока од Тетово кон Скопје, во атар на село Ласкарци, Скопско, патничко моторно возило ’ауди’ со албански национални ознаки, управувано од В.М.(40) од Република Албанија, излетало од коловозот. Од здобиените повреди во несреќата на местото починала сопатничката Е.Т. (24) од Република Албанија, а лекар од Итна медицинска помош констатирал смрт“,
се вели во дневниот полициски билтен.
Возачот на автомобилот В.М. се здобил со тешки телесни повреди кои биле констатирани во Комплексот клиники „Мајка Тереза“.
Од Министерството за внатрешни работи велат дека на местото на несреќата бил извршен увид од екипа од СВР Скопје.