За време на состанокот на министрите за надворешни работи опфативме многу, но и тоа како можеме да помогнеме во поддршката на евроатлантската иднина на Западен Балкан
Американскиот државен секретар Ентони Блинкен денеска изјави дека на состанокот на министрите за надворешни работи на членките на НАТО во Брисел се разговарало и за тоа како да се зголеми помошта за поддршка на евроатлантската иднина на Западен Балкан.
Блинкен на платформата Икс напиша дека НАТО-алијансата е обединета.
„За време на состанокот на министрите за надворешни работи опфативме многу – од нашите очекувања на самитот во Вашингтон следната година, до тоа како можеме да го продлабочиме нашето партнерство со Украина, до тоа како можеме да помогнеме во поддршката на евроатлантската иднина на Западен Балкан“,
рече Блинкен.
The NATO Alliance is united.
— Secretary Antony Blinken (@SecBlinken) November 29, 2023
We covered a lot of ground during the Foreign Ministers Meeting – from our expectations at the Washington Summit next year, to ways we can deepen our partnership with Ukraine, to how we can help support the Euro-Atlantic future of the Western Balkans. pic.twitter.com/bG3p9E8epA
Според високиот претставник на ЕУ за надворешна политика и безбедност Жозеп Борел, шефовите на дипломатиите на членките на НАТО на синоќешната средба во Брисел имале важна размена на мислења за состојбите во Западен Балкан.
„Ги информирав шефовите на дипломатиите за актуелната ситуација во однос на дијалогот што се води под покровителство на ЕУ. Потребен е напредок на учесниците во дијалогот“,
напиша Борел на Икс.
Important exchange with @NATO Allies on the situation in the #WesternBalkans.
— Josep Borrell Fontelles (@JosepBorrellF) November 28, 2023
I debriefed on the latest state of play in the EU-facilitated Dialogue. Progress by the parties is needed.
Also recalled importance of BiH using the momentum to advance decisively on its EU path. pic.twitter.com/J3c2Iytchq
Тој укажа на важноста БиХ да го искористи моментот за одлучувачки напредок на патот кон членството во ЕУ.
Пред почетокот на министерскиот состанок на НАТО во Брисел, чија агенда го вклучува Западен Балкан, Борел рече дека мисијата ЕУЛЕКС на Косово ќе продолжи да соработува со КФОР за обезбедување стабилност и безбедност на северот на Косово, соопшти Европската служба за надворешна политика.
Борел додаде дека стабилноста и просперитетот на земјите од Западен Балкан и нивното усогласување со надворешната политика на Унијата се од витално значење за ЕУ.