Кон полицијата биле упатени 36,12 отсто од повиците, кон Итната медицинска помош 27,16 проценти, кон пожарникарите 2,05 отсто, кон АМСМ 4,62 и кон ЦУК 30,05 отсто
Вкупно 2 037 повици за итни случаи регистрирал Центарот за управување со кризи (ЦУК) во изминатото деноноќие, што е речиси двојно повеќе од претходниот ден.
ЦУК информира дека сообраќајот на државните патишта се одвива тековно и непречено во зимски услови по влажни коловози. На подрачјето на СВР Охрид има забрана за тешки товарни возила само на патниот правец Дебар–Маврово.
Според вонредното известување од Регионалниот ЦУК – Битола, во 09:40 часот патниот правец Прилеп–Македонски Брод (превој „Барбарас“) има забрана за возила потешки од три тони, a регионалниот пат Прилеп–Витолиште (Мариово) сѐ уште не е исчистен и е прооден само за теренски возила.
Од Јавното претпријатие за одржување и заштита на магистралните и регионалните патишта предупредуваат дека на одредени патни правци што поминуваат низ клисури и усеци е можна појава на поситни одрони. Воедно, оттаму апелираат внимателно да се вози, со приспособена брзина согласно условите на патот.
„Дежурните екипи од ЈП за одржување и заштита на магистралните и регионалните патишта биле постојано на терен и ги одржуваат сите патни правци проодни. Кон Единствениот број за итни случаи 112 во ЦУК имало вкупно 2 037 повици, според последниот извештај на секторот Е-112 за последното деноноќие. Од нив ‘реални’ повици за итни случаи биле 47,91 отсто, а 52,09 проценти други, именувани како ‘неитни повици’, што биле за други потреби на граѓаните или едноставно не биле итни. Кон полицијата биле упатени 36,12 отсто од повиците, кон Итната медицинска помош 27,16 проценти, кон пожарникарите 2,05 отсто, кон АМСМ 4,62 и кон ЦУК 30,05 отсто. Изразено во бројки, вкупно 1 165 повици биле дел од тековната обработка на дежурните оперативци во ЦУК во двата сектора во последното деноноќие: Секторот Е-112 и Секторот за операции и координација“,
наведува ЦУК.
Изминатото деноноќие нема податоци за регистрирани пожари на отворено – пожарникарите интервенирале само врз пожари во населени места.