„Никогаш во политиката не велете никогаш. Тие вредности се ставаат на маса и се прави политички договор“, рече лидерот на ВМРО-ДПМНЕ во синоќешното гостување во емисијата „Само интервју“ прашан дали неговата партија ќе се согласи на коалиција со Левица на изборите
Лидерот на опозициската ВМРО-ДПМНЕ, Христијан Мицкоски, не ја исклучува можноста за коалицирање со партијата Левица со цел формирање влада по парламентарните избори в година.
Прашан дали неговата партија би коалицирала со Левица и покрај тоа што партијата, според новинарската констатација, негува анти ЕУ и анти НАТО ставови, Мицкоски во синоќешното гостување во емисијата „Само интервју“ на Канал 5 Телевизија, рече:
„Никогаш во политиката не велете никогаш. Тие вредности се ставаат на маса и се прави политички договор.“
Во синоќешното гостување во „Само интервју“, Мицкоски рече дека ВМРО-ДПМНЕ ќе се бори да дојде што е можно поблиску или да освои мнозинство од 61 пратеник во парламентот. Повикувајќи се на мерењата на јавното мислење, тој прогнозира и победа на претседателскиот кандидат кој ќе го предложи неговата партија.