Магмата сега е на многу мала длабочина, така што очекуваме ерупција за неколку часа или за неколку дена. Имаме пукнатина долга околу 15 километри и каде било од таа пукнатина може да еруптира, вели шефот на Канцеларијата за цивилна заштита и вонредни состојби на Исланд
Исландски град со околу 4 000 жители во близина на главниот град Рејкјавик може да биде погоден од претстојната вулканска ерупција што се очекува за неколку часа или дена, пишува „Гардијан“.
Градот Гриндавик на југозападниот брег беше евакуиран вчера во раните утрински часови откако движењето на магмата под Земјината кора предизвика стотици земјотреси. Се верува дека овие земјотреси се претходници на ерупцијата.
„Навистина сме загрижени за сите куќи и инфраструктурата во областа“,
изјави вчера Видир Рејнисон, шеф на Канцеларијата за цивилна заштита и вонредни состојби на Исланд.
?? #Alert#WATCH: Volcanic eruption begins near Iceland’s capital Reykjavík
— upuknews (@upuknews1) November 12, 2023
The magma is now at a very shallow depth, eruption will happen in a couple of hours#Iceland #icelandvolcano #Icelandearthquake #IcelandNews #Earthquake #Grindavik #Iceland #earthquakes #eruption… pic.twitter.com/i77y8FwM8t
Гриндавик се наоѓа на околу 40 километри југозападно од Рејкјавик и е во близина на геотермалната централа „Сварценги“. Таа е главен снабдувач со струја и вода за 30 000 жители на полуостровот Рејкјанес. Гриндавик е исто така во близина на геотермалната бања „Блу Лагун“ (Blue Lagoon), популарна туристичка дестинација која беше затворена претходно оваа недела како мерка на претпазливост.
„Магмата сега е на многу мала длабочина, така што очекуваме ерупција за неколку часа или за неколку дена. Имаме пукнатина долга околу 15 километри и каде било од таа пукнатина може да еруптира“,
рече Рејнисон.
Video: Extensive damage was found in Grindavík, #Iceland today. Large cracks can be seen in many places. I havent seen any information/images about damage to houses/buildings…
— Volcaholic ? (@volcaholic1) November 11, 2023
? Grindavik Road Administration pic.twitter.com/bz5PbYsMKK
Според него, не е исклучена можноста од ерупција на дното на океанот, што најверојатно би предизвикало голем облак од пепел.
„Тоа не е најверојатното сценарио, но не можеме да го исклучиме бидејќи пукнатината завршува во морето“,
рече тој.
Iceland Declares ?STATE OF EMERGENCY? due to the massive amounts of earthquakes near Grindavik and soon possible Volcano Eruption! pic.twitter.com/XJHRU3mK2X
— X Posterity (@NewXPosterity) November 12, 2023
Земјотресите и подигањето на земјата, предизвикани од навлегувањето на магмата, веќе ги оштетија патиштата и зградите во и околу Гриндавик. Голема пукнатина ја оштети зелената површина на теренот за голф во градот.
Исланд, кој има 33 активни вулкански системи, прогласи вонредна состојба и нареди задолжителна евакуација на Гриндавик во саботата.
Во неколку околни града беа отворени итни засолништа и центри за помош, но повеќето жители на Гриндавик престојуваат кај пријатели или роднини.