Утре во Скопје, во периодот од 9 до 14 часот, неколку крстосници ќе бидат затворени за сообраќај оти ќе се одржи генерална проба за симулациска вежба во итна ситуација – земјотрес „Хуманитарен одговор 2023“ планирана за в среда, во организација на Црвениот крст на РСМ, под покровителство на претседателот на државата, во Градскиот парк во Скопје.
Како што најави Министерството за внатрешни работи, утре од 9 до 14 часот затворени ќе бидат крстосниците: бул. „Илинден“ од крстосница со бул. „Св.Климент Охридски“ до крстосница со ул. „Франклин Рузвелт“ и од крстосница со ул. „Бледски Договор“ до крстосница со ул. „Никола Тесла“, ул. „Наум Наумовски Борче“, ул. „Јордан Хаџиконстантинов-Џинот“ од крстосница со ул. „Орце Николов“ до крстосница со ул. „Ленинова“ (ул. „Аминта Трети“) и бул. „8 Септември“ од крстосница со бул. „Илинден“ до сервисна улица за влез во х. „Александар палас“.
Главниот настан ќе се одржи на 18. месецов (среда) во периодот од 09.00 до 14.00 часот поради што затворени за сообраќај ќе бидат крстосници: бул.„Илинден“ од крстосница со бул.„Св.Климент Охридски“ до крстосница со ул.„Франклин Рузвелт“ и од крстосница со ул.„Бледски Договор“ до крстосница со ул.„Никола Тесла“, ул.„Наум Наумовски Борче“, во продолжение ул.„Јордан Хаџиконстантинов-Џинот“ до крстосница со ул.„Ленинова“ (ул.„Аминта Трети)“, ул.„Ристо Шишков“ од крстосница со ул.„Наум Наумовски Борче“ до крстосница со ул.„Ленинова“ (ул.„Аминта Трети“), сообраќајниците околу градски стадион Тодор Проески и бул.„8-ми Септември“ од крстосница со бул.„Илинден“ до сервисна улица за влез во х.Александар Палас.
„Од тие причини Единицата за безбедност на патниот сообраќај Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници“,
најавува МВР и апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.