Од ЕСМ ме информираа дека навреме ќе ги завршат обврските со топловодната мрежа за грејната сезона, вели градоначалничката Арсовска

Инаку, за можни ценовни шокови на парното греење, ако навреме не се постават топловодните цевки на мостот „Беласица“, посочија и премиерот Димитар Ковачевски и Марко Бислимоски, претседателот на Регулаторната комисија за енергетика

Поставувањето на топловодната мрежа кај мостот „Беласица“ е надлежност на ЕСМ, како и санацијата од горењето на изолацијата од претходната топловодна мрежа што била таму поставена. Од ЕСМ ме информираа дека навреме ќе ги завршат своите обврски за да се почне навреме со грејната сезона, истакна градоначалничката на Град Скопје, Данела Арсовска, во одговор на новинарско прашање во врска со мостот „Беласица“, дали ќе има парно и до каде се договорите со ЕСМ, на денешната прес-конференција при потпишувањето на Меморандум за соработка со НУ „Спомен-куќа на Мајка Тереза“-Скопје.

Според неа, Град Скопје нема никакви договори со ЕСМ.

„Предуслов за да можат да се постават тие топловодни цевки е истото место каде што треба да се постават да биде санирано. Невозможно е да има безбедно поставување доколку тоа  што било поставено не е санирано. Тоа е, повторувам уште еднаш, само козметичка корекција којашто мора да се направи, не влијае ниту на безбедноста, ниту на сигурноста на инсталацијата којашто ја имаме таму, ниту на самиот мост“,

изјави градоначалничката Арсовска.

Додаде дека очекуваат од ЕСМ навремено започнување на санацијата и завршување на нивните обврски што се однесува до мостот „Беласица“.

„Го имаме вештачењето и очекуваме, како што ме информираа од ЕСМ, дека истото започнува и дека тие навремено ќе ги завршат своите обврски што се однесува и до санацијата и до поставувањето на топловодната мрежа за да се почне навреме со грејната сезона имајќи ги предвид температурите коишто ги имаме надвор“,

посочи Арсовска.

Ќе имаме ценовно цунами во парното греење ако не се постави цевководот на мостот „Беласица“, вели Бислимоски

Инаку, за можни ценовни шокови на парното греење, ако навреме не се постават топловодните цевки на мостот „Беласица“, посочија и премиерот Димитар Ковачевски и Марко Бислимоски, претседателот на Регулаторната комисија за енергетика.

Можни се проблеми со греењето во Скопје ако смената на топловодните цевки под мостот „Беласица“ не успее навреме, вели Ковачевски

Мостот „Беласица“ по речиси четири месеци од почетокот на септември е делумно отворен за сообраќај.

Тогаш од градот соопштија дека ќе може да сообраќаат само лесни возила во двете крајни коловозни ленти, додека двете средишни коловозни ленти ќе бидат отворени во моментот на завршување на градежните работи од страна на ЕСМ.

Град Скопје: Нема структурни оштетувања, мостот „Беласица“ од денеска делумно ќе биде отворен за сообраќај

Пожарот на мостот „Беласица“, кој ја поврзува Железничката станица со крстосницата кај трговскиот центар „Ист гејт“, избувна околу полноќ меѓу 11 и 12 мај.

Мостот „Беласица“ е една од клучните артерии во Скопје која поврзува два дела од градот поради чие неработење се создава(ше) дополнителен метеж во и онака оптоварениот сообраќај во македонската престолнина.