Во црквата, кога се урнал покривот, имало околу 100 луѓе кои присуствувале на крштевка. По уривањето, според локалните медиуми, 49 лица се пренесени во болница, а потрагата по преживеани е во тек
Девет лица се загинати, а околу 20 сè уште се под урнатините откако вчера се урна покрив на црква во градот Сиудад Мадеро во североисточната држава Тамаулипас во Мексико, пренесува Би-би-си.
По уривањето на покривот, според локалните медиуми, 49 лица се пренесени во болница.
Полицијата во крајбрежната држава Тамаулипас соопшти дека околу 100 луѓе биле на мисата во моментот на уривањето.
9 fallecidos y 40 heridos es el saldo hasta esta noche del derrumbe del techo de la Iglesia de la #SantaCruz en #CiudadMadero pic.twitter.com/sURbABpi5d
— Manuel Vazquez (@manuelva81) October 2, 2023
Локалните медиуми објавија дека за време на уривањето на покривот во црквата имало крштевање и се верува дека меѓу заробените под урнатините голем број се деца.
Спасувачките акции и потрагата по преживеани се во тек, а во нив се вклучени општински, државни и федерални власти.
На социјалните мрежи се шират видеа од моментот кога се урнал покривот на црквата и во воздухот се издигнува сив чад, проследено со рушење на надворешните ѕидови.
⚠️ Así fue el momento exacto del derrumbe del techo de la iglesia de la Santa Cruz en la colonia Unidad Nacional en #CiudadMadero, #Tamaulipas .
— Karla Murillo (@KarMurillo2) October 2, 2023
✝️ Van 12 fallecidos y más de 35 heridos, pues lamentablemente varias personas se encontraban allí celebrando un bautizo. pic.twitter.com/74IKG2Vgto
Според претставници на Црвениот крст, покривот се урнал над клупите во црквата и тоа дава можност заробените да преживеат поради воздушните џебови.
Војници, полицајци, пожарникари и болничари биле вклучени во спасувачката операција, а доцна вчера биле донесени и кучиња за да помогнат во потрагата по преживеани.
⭕️?? #ProtecciónCivilTamaulipas participa en el rescate de personas que se encontraban al interior de una iglesia en el municipio de #Madero.
— Protección Civil Tam (@PCTamaulipas) October 1, 2023
En un trabajo coordinado entre autoridades Municipales, Estatales y Federales se realizan tareas búsqueda y rescate. pic.twitter.com/woYv8W333w
Локалниот бискуп Хозе Армандо Алварез рече дека покривот на црквата се урнал додека верниците се причестувале и повикал на молитви за жртвите и преживеаните.
„Преживуваме многу тежок ден. Во моментов се работи на извлекување на преживеаните кои беа затрупани под урнатините. Ние се молиме за нив“,
рече тој во видеопорака на Фејсбук.