Дејвид Зандстра, сега 83-годишен свештеник во пензија, го признал убиството на осумгодишното девојче во 1975 година. Освен што го водел погребот на девојчето, со години потоа бил и пријател на семејството на убиеното девојче
Гречен Харингтон имала осум години кога исчезнала во предградието на Филаделфија, утрото на 15 август 1975 година. Требало да оди на верски камп. Нејзиниот сега веќе починат татко ја испратил од дома и ја гледал како оди по улицата сè додека не му се изгубила од погледот.
Последниот што ја имал видено Гречен жива е сведок кој тврдел дека го видел девојчето како на улица зборува со возач на возило, кое многу наликувало на зелениот караван што го поседувал свештеникот Дејвид Зандстра. Кога тој бил испрашан од полицијата, одговорил дека не ја видел Гречен тој ден. Истрагата сега вели дека Зандстра ја поканил Грејчен да влезе во неговата кола кога била доволно далеку од дома. Девојчето му верувало и влегло во возилото. Зандстра во 1975 година бил свештеник во локалната црква. Верските кампови се одржувале во кругот на црквата во утринските часови, а потоа ги превезувал децата до друга црква.
Гречен никогаш не се појавила пред првата црква и токму свештеникот Зандстра бил тој што го пријавил отсуството на девојчето.
Нејзиното тело било пронајдено во блиска шума, речиси два месеца подоцна.
Сега веќе осомничениот го водел погребот на девојчето.
Како е најден убиецот по речеси половина век?
Годинава, жена која била најдобра пријателка на ќерката на свештеникот ѝ пристапила на полицијата и изјавила дека мисли оти Зандстра е убиецот. Кажала дека често спиела во домот на свештеникот и една таква вечер, кога имала 10 години, се разбудила и го фатила свештеникот како недолично ја допира. Жената им го покажала на полицајците и својот дневник од 1975 година, каде што имала напишано: „мислам дека е можно тој да е киднаперот на Гречен. Мислам дека тоа бил г. З.“.
Зандстра се селел повеќепати, живеејќи во Калифорнија и Тексас, пред неговото апсење минатата недела во Џорџија. Полицијата тврди дека го признал делото.
„Го убил ова кутро 8-годишно девојче за кое знаел дека му верува. И потоа, се претставувал како пријател на семејството, не само за време на нејзинот погреб и непосредно потоа, туку со години“,
соопштија од полицијата.
Тој во моментов е во затвор и се чека негова екстрадиција во Пенсилванија. Семејството на убиеното девојче издало соопштение во кое велат:
„Ова е еден чекор поблиску до правдата. Кој и да ја запознаеше Гречен, веднаш стануваше нејзин пријател. Таа зрачеше со љубезност кон сите и беше слатка и нежна. Дури и сега, кога луѓето ја спомнуваат, првото нешто за што зборуваат е колку беше прекрасна“.