Во Хрватска за вечерва има жолт аларм на предупредување, додека за наредните два дена е портокалов, а слични се прогнозите и во Србија каде што се очекува невреме ноќите помеѓу петокот и саботата и помеѓу саботата и неделата
Во Македонија, пак, барем засега нема најави за невреме. На сајтот на УХМР во делот за најави и метео-предупредување пишува дека до следната среда ќе се задржи сончево и многу топло, односно ќе биде портокалово ниво на опасност од високи температури
По смртоносното невреме кое вчера ги зафати земјите во регионот, се најавува ново за вечерва и во текот на следните денови.
Во Хрватска, каде невремето однесе четири жртви и десетици беа ранети, има жолт аларм за предупредување за вечерва, а црвен за петок и сабота.
Според Државниот хидрометеоролошки завод, атмосферата е нестабилна, па можно е во текот на вечерва да има локални врнежи проследени со грмотевици. За петок, посебно ноќта кон саботата постои можност за посилно невреме со грмотевици, кое се заканува не само на внатрешниот туку на и на северниот и средниот дел кај Јадранското море. На некои места, хидрометеоролозите најавуваат и силен ветар.
За сабота Хрватите очекуваат променливото и нестабилно време да продолжи.
Слични се прогнозите и за Србија. Метеорологот Недељко Тодоровиќ за јавниот сервис РТС изјави дека во ноќите помеѓу петокот и саботата и саботата и неделата повторно може да се очекува силно невреме. Тој порача дека кога ќе се издаде предупредување за такво невреме, граѓаните треба да го сфатат сериозно и да бидат свесни за потенцијалните опасности.
Во Македонија, пак, барем засега нема најави за невреме. На сајтот на УХМР во делот за најави и метео-предупредување пишува дека до следната среда ќе се задржи сончево и многу топло време со високи утрински и дневни температури, поради што ќе биде активно портокалово ниво на опасност од високи температури.
Инаку, во вчерашното невреме во Хрватска имаше четворица загинати, додека по една жртва беше регистрирана во Словенија и Босна и Херцеговина.