Околу 22 часот се слушна татнеж на територијата на Видинско. На терен веднаш се испратени екипи на МВР на Видин, кои извршиле увид. На лице место нема извештаи за повредени лица, предизвикани пожари, ниту материјална штета, соопштиле од полицијата
Силна светлина проследена со силен татнеж била забележана вечерва на територијата на цела северозападна Бугарија.
Како што објави порталот Новини.бг, се претпоставува дека паднал метеорит. Првите кадри од феноменот се од 21:49 часот.
Читателите од Видин, Монтана, Берковица и Белоградчик ја пријавиле светлината и силната бучава.
„Го видовме од атарот на селото Извор, Видинско. Околу 21 часот и 50 минути стана како ден, видовме долга трага од оган и кој се распадна на помали делови. Гласниот звук се слушна по една минута“,
напишал корисник на Фејсбук.
Други очевидци коментирале дека и во Софија станало светло како ден за секунди.
Нешто по 23 часот од МВР ја потврдиле информацијата.
„Околу 22 часот се слушна татнеж на територијата на Видинско. На терен веднаш се испратени екипи на МВР на Видин, кои извршиле увид. На лице место нема извештаи за повредени лица, предизвикани пожари, ниту материјална штета“,
соопштиле од полицијата.
Според романските власти се работи за метеорит кој експлодирал во воздух.