Голем пожар го зафати водениот парк „Аквалуна“ во Подчетртек, Словенија. Како што пренесува Н1, пожарот избувнал околу 17 часот, а според првичните информации од полицијата и од Управата за заштита и спасување, нема повредени.
Според видеа и фотографии објавени на социјалните мрежи, на терен се неколку противпожарни екипи што се обидуваат да го изгаснат пожарот и да ги евакуираат посетителите.
Неофицијално, пожарот настанал во внатрешниот дел од комплексот.