Турскиот претседател Ердоган го пречека украинскиот претседател Володомир Зеленски, кој дојде во Истанбул на негова покана, а откако заврши приемниот дел на кој се фотографираа, лидерите ја започнаа тет-а-тет средбата зад затворени врати. На средбата, се очекува да се разговара за регионални и меѓународни теми како што се односите помеѓу двете земји, најновите случувања во руско-украинската војна, но и Договорот за Црноморскиот коридор за жито кој истекува за 10 дена отсега.
Зеленски доаѓа во Турција откако претходно беше и во Прага и во ненајавена посета во Словачка, а неговата посета е под будното око и на Кремљ. Портпаролот на Кремљ, Дмитриј Песков кажа дека Москва многу внимателно ќе ја следи состојбата, бидејќи Русија и Турција одржуваат тесни пријателски врски и очекуваат реципроцитет од турска страна.
Ердоган во неколку наврати се обидуваше да посредува за евентуален мировен договор помеѓу двете страни.
