Градоначалникот на Милано Џузепе Сала изјави дека пожарот бил изгаснат многу брзо, но потоа се ослободил отровен чад
Шест лица ги загубија животите, а најмалку 68 се повредени во пожар кој минатата ноќ избувнал во пензионерски дом во Милано, соопштија италијанските служби за итни случаи.
Лука Кари, портпарол на националната противпожарна служба, ја потврди бројката на загинати, додавајќи дека тројца од повредените се во критична состојба, 15 се со сериозни, но не опасни по живот повреди, додека 50 лица се здобиле со полесни повреди.
Тој рече и дека пожарот е изгаснат и дека е отворена истрага за причините за пожарот.
Градоначалникот на Милано Џузепе Сала изјави дека пожарот бил изгаснат многу брзо, но потоа се ослободил отровен чад.
Според медиумите, пожарот избувнал во четвртокот нешто пред полноќ во дом за стари лица во југоисточниот милански кварт Корвето.