Полициски извор изјави за Ројтерс дека мажот паднал од покривот додека демонстрантите ограбувале супермаркет во предградието Пети-Квевили во трговскиот центар „Брујереш“
Еден млад човек загина вечерва откако падна од покривот на супермаркет во предградието на северниот француски град Руан за време на немирите во текот на ноќта, соопштија локалните власти.
Полициски извор изјави за Ројтерс дека мажот паднал од покривот додека демонстрантите ограбувале супермаркет во предградието Пети-Квевили во трговскиот центар „Брујереш“.
Од државното обвинителство претходно изјавија за ТВ БФМ, врз основа на истрагата што е во тек, дека не е утврдено дека продавницата била предмет на обид за грабеж.
Ројтерс соопшти дека не може да ги потврди наводите и дека не може да се контактира со обвинителството.
Францускиот министер за внатрешни работи рече дека следните часови ќе бидат одлучувачки бидејќи се испратени 45 000 полицајци на улиците. Три ноќи траат немирите откако сообраќаен полицаец уби тинејџер во предградие на Париз од работничка класа.