Засега нема официјални информации за тоа колку пилоти загинале или колку авиони биле соборени
Рускиот претседател Владимир Путин во вчерашниот говор им оддаде почит на пилотите кои загинале за време на бунтот на „Вагнер“. На тој начин, тој потврди дека руските пилоти загинале во борба додека групата платеници на „Вагнер“ марширала кон Москва.
Во синоќешното обраќање на Путин преку државната телевизија, кое беше негово прво јавно појавување по вооружениот бунт во саботата предводен од водачот на платениците Евгениј Пригожин, ги потврди извештаите на социјалните мрежи дека силите на „Вагнер“ собориле руски летала во борбите.
Appears that the heavy smoke was a downed Russian helicopter near Pavlovsk, Voronezh Oblast. https://t.co/02fhX1JR68 pic.twitter.com/SbgaFvvO8M
— OSINTtechnical (@Osinttechnical) June 24, 2023
Заблагодарувајќи им се на рускиот народ, војниците, органите на редот и безбедносните служби кои останале обединети за да ја заштитат татковината, Путин рече дека тоа покажува оти Русија нема да подлегне на „никаква уцена, каков било обид за создавање внатрешни превирања“.
Тој рече дека непријателите на Русија сакале да ја видат земјата „да се задушува во крвави граѓански судири“.
„Храброста и самопожртвуваноста на паднатите херои-пилоти ја спасија Русија од трагични разорни последици“,
рече Путин додавајќи дека бунтот го загрозува самото постоење на Русија и оние што стојат зад него ќе бидат казнети.
Засега нема официјални информации за тоа колку пилоти загинале или колку авиони биле соборени.
Некои руски канали на Телеграм, кои ја следат руската воена активност, вклучително и блогот Рибар со повеќе од милион претплатници, во саботата објавија дека 13 руски пилоти биле убиени во текот на целодневниот бунт. Меѓу соборените летала биле три хеликоптери „ми-8 МТПР“ и еден авион „ил-18“.