Според анкетите, ПАСОК е на третата позиција, а можен е и влез во парламентот на нови партии, меѓу кои и една поддржана од осуден поранешен член на Златна зора
Убедлива победа на Нова демократија со разлика од над 20 отсто во однос Сириза, покажуваат резултатите од објавените излезни анкети, односно процените за изборниот резултат на парламентарните избори во Грција од агенциите за рејтинг во соработка со грчките телевизии.
Според анкетите, ПАСОК е на третата позиција, а можен е и влез во парламентот на нови партии, меѓу кои и една поддржана од осуден поранешен член на Златна зора.
Приватните телевизии Мега, Скај, Стар, Антена, Алфа и Опен и државната ЕРТ веднаш по затворањето на гласачките места, точно во 19 часот по локално време, објавија заеднички излезни анкети во соработка со агенциите за рејтинг.
Резултатите од 80 отсто преброени излезни анкети на приватните телевизии се дека секоја од партиите би добила:
- Нова демократија од 40 до 44 отсто
- Сириза од 16,1 до 19,1 отсто
- ПАСОК од 10 до 13 отсто
- Комунистичка партија на Грција од 7,2 до 9,2 отсто
- Спартанци од 4 до 6 отсто
- Грчко решение од 2,3 до 4,3 отсто
- Победа од 2,3 до 4,3 отсто
- Курс на слободата од 2 до 4 проценти
- МЕРА25 од 2 до 4 проценти
Greece, national parliament election today:
— Europe Elects (@EuropeElects) June 25, 2023
7 PM CEST Alco et al exit poll
ND-EPP: 40.0-44.0%
SYRIZA-LEFT: 16.1-19.1%
PASOK KINAL-S&D: 10.0-13.0%
KKE-NI: 7.2-9.2%
Spartiates-*: 4.0-6.0%
EL-ECR: 2.3-4.3%
Niki-*: 2.3-4.3%
PE-*: 2.0-4.0%
…
➤ https://t.co/lsFdXOICtg #ekloges pic.twitter.com/E9GfSw3VgF
За една партија да обезбеди влез во парламентот, потребно е да добие минимум три отсто од гласовите.
Доколку се потврдат прогнозите, тоа би значело дека Нова демократија ќе формира еднопартиска влада, а во парламентот би можело да влезат три нови партии: Курс на слободата на поранешната претседателка на парламентот од редовите на Сириза, Зои Константопулу, десничарската Победа од Солун и радикалната десница Спартанци, поддржана од осудениот поранешен пратеник од Златна зора, Илиас Касидиарис.
Првите официјални резултати од Министерството за внатрешни работи на Грција, кое е и надлежно за пребројување на гласовите, се очекуваат околу 20:30 часот по грчко време.
Во Грција денеска се одржаа парламентарни избори, втори по ред во последните пет недели.