Фон дер Лајен исто така рече дека „не се сомнева“ дека Украина еден ден ќе се приклучи на ЕУ
Во наредните недели Европската Унија планира да претстави предлог со кој замрзнатите руски средства ќе се користат за финансирање на обновата на Украина, изјави денеска претседателката на Европската комисија, Урсула фон дер Лајен.
Европската комисија планира да претстави предлог пред летниот распуст, изјави фон дер Лајен за време на конференцијата за украинската реконструкција во Лондон.
Таа рече дека замрзнатите руски средства треба да се искористат „затоа што сторителот мора да одговара“.
Но, рускиот амбасадор во Лондон, Андреј Келин, во интервју за британскиот телевизиски канал Скај њуз во средата вечерта ги нарече ваквите планови незаконски.
Конференцијата за обновување на Украина треба да ги постави темелите за обнова на Украина по руското уништување.
Фон дер Лајен исто така рече дека „не се сомнева“ дека Украина еден ден ќе се приклучи на ЕУ.
На истата конференција, германската министерка за надворешни работи Аналена Бербок изјави дека обновата на Украина мора да биде тесно поврзана со процесот на пристапување во ЕУ.
„Сепак, првенствено, на долг рок, сакаме да помогнеме во поставувањето на темелите за процут на украинската економија подготвена за иднината преку процесот на пристапување во ЕУ“,
рече Бербок.