Привремените мерки ќе траат до конечното завршување на кривичната постапка
Вишиот суд во Белград му забрани на семејството на Коста Кечмановиќ, кој го изврши масовното убиство во неговото училиште „Владислав Рибникар“, да го отуѓи својот имот, јавуваат српските медиуми.
Судијата на претходна постапка на Вишиот суд во Белград вчера донесе решение со кое го усвои предлогот на оштетените С.С.Ч., Б.А., М.М., И.Б., Н.К., Д.Д., Б.А., А.А., и Р.В.Ј. (родители на убиените деца), за определување привремени мерки за обезбедување на имотно-правни побарувања, па на обвинетиот Владимир Кецмановиќ му се забранува да располага, отуѓува и да оптоварува недвижен и подвижен имот на кој е сопственик. Станува збор за стан во Белград, деловен простор во Белград и патничко моторно возило.
Привремените мерки ќе траат до конечното завршување на кривичната постапка.
Против гореспоменатото решение е дозволена жалба до несудскиот кривичен совет на Вишиот суд во Белград, во рок од три дена од приемот на решението, што не го одлага извршувањето на решението.
Обвинетиот Владимир Кечмановиќ се товари за кривично дело тешки дела против општата безбедност.
Тој е во притвор откако неговиот син Коста Кецмановиќ уби девет соученици и чуварот во училиштето „Владислав Рибникар“.