fbpx
Свет

(ВИДЕО) Тројца убиени, исто толку ранети и еден уапсен во Нотингем, градот е под целосна блокада

360степени | 13 јуни, 2023 12:11

Сметаме дека сите три инциденти се поврзани и дека лицето што го сторило тоа е во притвор. Оваа истрага е во рана фаза и тим детективи работи на утврдување што точно се случило, вели началникот на полицијата

Три лица се пронајдени мртви во централниот англиски град Нотингем, а 31-годишен маж е уапсен под сомнение за убиство, соопшти британската полиција. 

Од полицијата информираат дека нешто по 4 часот наутро биле повикани на една улица во Нотингем каде што две лица биле пронајдени мртви на патот во центарот на градот. Подоцна уште еден маж бил пронајден мртов на друг пат пред центарот на градот.

@westbridgfordwirenews

Police said on Tuesday 13 June: Officers and other emergency services are currently in attendance at an ongoing serious incident. There are multiple road closures in place throughout the city while the incident is being investigated. We are asking the public and motorists to please avoid the following areas and plan alternate routes. The following roads are currently closed – Ilkeston Road, Milton Street, Magdala Road, Maples Street, Woodborough Road from junction of Magdala Road into the city, Maid Marian Way junction of Parliament Street. Chief Inspector Neil Humphries, of Nottinghamshire Police, said: “Officers are currently on scene at multiple road closures due to an ongoing incident. “Please avoid these areas as they are expected to remain closed for some time.” Further updates will follow . #nottinghamshire #notts #nottingham #westbridgford #police #fire #incidentresponse #tiktokuk #majorincident

♬ original sound – West Bridgford Wire News

Полицијата била повикана и за друг инцидент што се случил надвор од градот, а во кој комбе се обидело да прегази три лица. Повредените лица се пренесени на лекување во болница.

Началникот на тамошната полиција Кејт Мејнел изјави дека се работи за страшен инцидент кој однел животи на три лица.

„Сметаме дека сите три инциденти се поврзани и дека лицето кое го има тоа сторено е во притвор. Оваа истрага е во рана фаза и тим детективи работи на утврдување што точно се случило. Ги молиме граѓаните за трпение додека траат истрагите. Досега многу патишта во градот се затворени и ќе останат затворени додека трае истрагата“,

рече таа.

Полицијата информираше дека е отворена посебна телефонска линија и апелираат за сведоци. На Твитер тие побара од сите што имаат информации за инцидентот утринава да се јават на 0800 0961011.

Британскиот премиер Риши Сунак изјави дека бил шокиран од инцидентот во Нотингем и дека неговите мисли се со повредените и со семејствата и најблиските на оние кои ги загубија животите.

„Сакам да им се заблагодарам на полицијата и итните служби за нивниот одговор на шокантниот инцидент во Нотингем утринава. Добивам известувања за развојот на настаните. На полицијата мора да и се даде време да си ја заврши работата“,

рече тој.

©2025 360 степени, Сите права се задржани