Невремето го зафати Прилеп вчера околу 15 часот, при што ги поплави пониските делови од улиците во централното градско подрачје, поради неможноста на атмосферската канализација да ги прифати големите количини на вода
По вчерашното невреме со пороен дожд и грмотевици, кое предизвика поплави во одредени делови од Прилеп, состојбата во градот денеска е стабилна.
Невремето го зафати Прилеп вчера околу 15 часот, при што ги поплави пониските делови од улиците во централното градско подрачје, поради неможноста на атмосферската канализација да ги прифати големите количини на вода.
Во невремето беа поплавени повеќе подруми и приземни простории во неколку градски населби, а на излез од градот беа заглавени неколку автомобили, по што Територијалната противпожарна единица (ТППЕ) Прилеп интервенираше на извлекување на лицата од возилата.
Противпожарната единица интервенираше и на пожар кој од невремето настанал во една куќа и на трафостаница.