Под влијание на влажна и нестабилна воздушна маса и во следните денови времето ќе биде променливо облачно и нестабилно, на повеќе места со пороен дожд, грмежи и засилен ветер
Времето денеска ќе биде променливо облачно и нестабилно со повремени врнежи од дожд и појава на грмежи, најавува УХМР. Кон крајот на денот облачноста и врнежите постепено ќе се намалуваат.
Минималната температура ќе биде во интервал од 11 до 17, а максималната ќе достигне од 19 до 26 степени.
И конкретно во Скопје ќе биде променливо облачно со повремен дожд и услови за појава на грмежи. Минималната температура во главниот врат ќе се спушти до 15, а максималната ќе достигне до 24 степени.
Под влијание на влажна и нестабилна воздушна маса и во следните денови времето ќе биде променливо облачно и нестабилно, на повеќе места со пороен дожд, грмежи и засилен ветер. Локално процесите ќе бидат поинтензивни во форма на невреме со пообилен дожд за кратко време (над 20 л/м2), електрични празнења, силен ветер (над 60 км/ч) и изолирана појава на град.