Иако претходно изјави дека не сака неговата фондација да биде преземенa од едно од неговите пет деца, Сорос кажа дека неговиот 37-годишен син, кого го нарекува Алекс, „го заработил тоа“
Светски познатиот филантроп и милијардер Џорџ Сорос му ја предаде контролата на хеџ фонтот и на фондацијата „Отворено општество“ на својот син Александар Сорос, иако претходно изјави дека не сака неговата фондација да биде преземенa од едно од неговите пет деца.
Но, зборувајќи за неговата одлука да ги предаде фондацијата и остатокот од својата империја од 25 милијарди долари на својот 37-годишен син, кого го нарекува Алекс, постариот Сорос рече дека „тој го заработил тоа“.
Во интервју за „Вол Стрит журнал“, Александар Сорос рече дека е политички поангажиран од својот 92-годишен татко и дека планира да ги прошири либералните приоритети на фондацијата, вклучувајќи ги гласачките права, правото на абортус како и родовата еднаквост.
Александар Сорос веќе презеде дел од обврските на својот татко, откако во декември фондацијата „Отворено општество“ го избра за претседател на нејзиниот борд, а тој веќе го води и Комитетот за политички активности.
Фондацијата на Сорос дава околу 1,5 милијарда долари годишно на активисти и групи кои ги поддржуваат човековите права низ светот и помагаат во градењето на демократијата. Парите од фондацијата се даваат и на универзитети и на други образовни институции.