Договорот за јавниот долг, кој ја спречува владата да прогласи банкрот, што би било првпат во американската историја, доаѓа по неколкунеделни преговори меѓу Бајден и републиканците во Претставничкиот дом
Американскиот претседател Џо Бајден во неделата потврди дека постигнал договор со претседателот на Претставничкиот дом на републиканците, Кевин Мекарти, да го зголеми плафонот на долгот од 31,4 трилиони долари до 1 јануари 2025 година и дека Конгресот сега може да гласа за тоа.
„Ова е договор што е добра вест за американскиот народ“,
им рече Бајден на новинарите во Белата куќа по разговорот со Мекарти за да ги изнесе последните детали од договорот.
Договорот за јавниот долг, кој ја спречува владата да прогласи банкрот, што би било првпат во американската историја, доаѓа по неколкунеделни преговори меѓу Бајден и републиканците во Претставничкиот дом.
Договорот сепак мора да помине низ поделеното тело пред 5 јуни, кога американското Министерство за финансии би објавило дека веќе нема пари.
„Силно ги повикувам двата дома да го прифатат договорот“,
рече Бајден.
Договорот беше критикуван од десничарските републиканци и од левичарските демократи, но Мекарти претходно во неделата изјави дека верува дека ја има поддршката од повеќето републиканци.
Договорот ќе го суспендира лимитот на долгот до 1 јануари 2025 година, ќе ги ограничи државните трошоци во буџетите за 2024 и 2025 година, ќе ги врати неискористените средства наменети за борба против пандемијата, ќе го забрза издавањето дозволи за некои енергетски проекти и ќе воведе дополнителни работни обврски во социјалните програми.