Прелиминарните изборни резултати, меѓу останатите, ги објавуваат и две турски новински агенции – Анка и Анадолија, но како што јавува Би-би-си, нивните бројки се различни. Додека агенцијата Анка му дава предност на Кемал Киличдароглу, Анадолија предност му дава на Ердоган во моментот на 42 отсто од преброените гласови
На околу два часа од затворањето на избирачките места во Турција, стигнаа и првите резултати од досега преброените гласови од вториот круг на претседателски избори.
Прелиминарните изборни резултати, меѓу останатите, ги објавуваат и две турски новински агенции – Анка и Анадолија, но како што јавува Би-би-си, нивните бројки се различни.
Во моментот на 42 отсто од преброените гласови, агенцијата Анка му дава предност на Кемал Киличдароглу со 50,87 проценти спрема 49,13 проценти за Реџеп Таип Ердоган.
На иститот процент на преброени гласови, Анадолија, пак, предност му дава на Ердоган со 57,09 проценти освоени гласови наспроти 42,91 отсто гласови за Киличдароглу.
Турскиот весник „Хабертурк“, кој во живо ги објавува изборните резултати, јавува дека актуелниот турски претседател Реџеп Таип Ердоган е во водство пред својот опозициски противкандидат Кемал Киличдароглу, со освоени 52,6 проценти од досега обработени 91,6 отсто од гласовите.
Киличдароглу, пак, освоил 47,3 проценти од обработените 91,6 отсто од гласовите.