Повикот е граѓаните да се соберат на градскиот плоштад во 11 часот, а потоа предвидено е точно на пладне заеднички да се оди на панихида за жртвите во црквата „Св. Богородица Перивлепта“
Почесниот конзулат на Република Србија во Македонија со седиште во Охрид, по повод двете масовни убиства во Србија, упати повик до граѓаните утре во 11 часот да дојдат на Градскиот плоштад „Свети Климент Охридски“ и да им оддадат почит кон жртвите.
Предвидено е потоа точно напладне заеднички да се оди на панихида за жртвите во црквата „Св. Богородица Перивлепта“.
„Изразуваме длабоко сочувство до семејствата на трагично загинатите, посакуваме брзо и лесно закрепнување на сите повредени лица. Изразуваме силна емпатија, солидарност, сплотеност до српскиот братски народ и Република Србија“,
вели почесниот конзул на Република Србија во земјава, Михајло Филев.
Во двата масакри во Србија неделава имаше 17 жртви. Во пукање во средата наутро во основното училиште „Владимир Рибникар“ во Белград од страна на 13-годишно момче беа убиени девет лица (чуварот и осум деца) и рани седуммина, а во четвртокот вечерта 21-годишник во селата Дубона и Мало Орашје кај Младеновац уби осум лица, а 14 ранети.
*Поврзани вести:
Денеска ќе бидат погребани петмина од убиените кај Младеновац
Ова е терористички акт: Вучиќ најави целосно разоружување на Србија
Објавена видеоснимка од апсењето на осомничениот за масакрот кај Младеновац
(ФОТО) Трагите од крв сведочат за синоќешниот масакр кај Младеновац
Обвинителството од Белград: Момчето не може кривично да одговара, нема наполнето 14 години
Судот во Белград му одреди 30-дневен притвор на таткото на момчето кое уби осум ученици и чувар
Адвокатката на таткото на момчето кое уби деветмина во училиште: Оружјето е чувано согласно законот