Погледнете го новото издание на емисијата „360 степени“, емитувано на 14 април 2023 г. на ТВ Алсат, во кое гостуваа Гоце Коцевски – програмски директор во Македонското здружение на млади правници, и Александар Димитриевски – новинар-уредник во „360 степени“
Врв на сите спорни елементи што досега излегоа јавно за најавената изградба на неколку автопатски делници е ставот на Владата дека јавноста никогаш нема да го види договорот со „Бехтел и Енка“ на барање токму на американско-турскиот конзорциум. Договорот содржел ценовно чувствителни и информации за нивниот бизнис-модел. А, станува збор за јавни пари – најмалку една милијарда и триста милиони евра, иако очигледно е дека ќе бидат многу повеќе, што е најголемата сума за поединечен проект во историјата на земјава. Друго отворено прашање е како т.н. правен трансакциски советник или надзорот на чие чело формално е „ИРД инженеринг“, испреговарал договор со „Бехтел и Енка“, врз основа на непостоечки закони, а потоа и како Владата потпишала таков договор? На оваа тема разговараме со Гоце Коцевски – програмски директор во Македонското здружение на млади правници, и Александар Димитриевски – новинар-уредник во „360 степени“.