Маринка е целосно евакуирана, во градот нема никој освен војници. Нема начин цивилното население да живее таму, изјави началникот на полицијата во Маринка
Украинското Министерство за надворешни работи на Твитер објави фотографии направени од воздух од градот Маринка во источниот украински регион Доњецк. На фотографиите се гледа дека градот е срамнет со земја.
„Украинската Маринка во регионот Доњецк порано беше дом за околу 10 000 луѓе. Порано беше мирен град. Порано беше.. се додека руските воени злосторници не го срамнија со земја. Зумирајте за да видите дека ништо не останува недопрено“,
се наведува во објавата на украинското министерство.
Ukrainian Marinka in the Donetsk region. It used to be home for around 10,000 people. It used to be a peaceful city. It used to be… until Russia’s war criminals razed it to the ground. Zoom in to see that nothing is left untouched.
— MFA of Ukraine 🇺🇦 (@MFA_Ukraine) March 5, 2023
Photo: Presidential Office of Ukraine pic.twitter.com/d7xv47jNzq
Новинската агенција АП објави фотографии од Маринка направени со дрон на кои се гледаат слични сцени.
Артем Шус, началникот на полицијата во Маринка, рече дека неговиот град е уништен.
„Маринка е целосно евакуирана, во градот нема никој освен војници. Нема начин цивилното население да живее таму. Руските сили во Маринка намерно ги срамнуваат градбите со земја за да ги уништат сите засолништа, без разлика дали се работи за цивилно засолниште или воен објект“,
изјави Шус за АП.
Новинарот Кристофер Милер исто така на Твитер објави фотографии од градот Маринка.
„Маринка некогаш беше мирна заедница со 10 000 жители и улици со дрвја западно од Доњецк. Сега ќе мора да се осврнеме на тоа во минато време, бидејќи руската армија го избриша од лицето на земјата. Овие слики покажуваат апокалиптична сцена неспоива со животот“,
пишува Милер.
Mariinka was once a quiet bedroom community of 10,000 residents and tree-lined streets just west of Donetsk. We’ll now have to refer to it in past tense because the Russian army has wiped it off the face of the earth. These images show an apocalyptic scene incompatible with life. pic.twitter.com/BYV35IoRn8
— Christopher Miller (@ChristopherJM) March 5, 2023