По посетата на саемот за оружје и воена опрема во Абу Даби, Вучиќ изјави дека се надева оти првите беспилотни летала камикаѕи ќе пристигнат во српските вооружени сили за пет до шест месеци. Армијата не не играчка, рече српскиот претседател додавајќи оти процедурите за добивање ново оружје во српските вооружени сили се долги
Српскиот претседател Александар Вучиќ денеска од Абу Даби најави дека Србија во рок од 48 часа ќе го потпише првиот договор со Обединетите Арапски Емирати за набавка на т.н. дронови камикаѕи од оваа земја.
По посетата на саемот за оружје и воена опрема во Абу Даби, Вучиќ изјави дека се надева оти првите беспилотни летала камикаѕи ќе пристигнат во српските вооружени сили за пет до шест месеци. Армијата не не играчка, рече српскиот претседател додавајќи оти процедурите за добивање ново оружје во српските вооружени сили се долги.
Српскиот претседател додаде дека во наредните денови очекува ескалација на конфликтот во Украина, што, според него, уште повеќе ќе ја отежне позицијата на Србија.
„Врз основа на она што можев да го видам од изјавите на Путин, јасно е дека тој многу жестоко ќе ја продолжи борбата во Украина, која, како и вообичаената ескалација на конфликтот, дополнително ќе ја усложни позицијата на Србија во политичка, воена и во секоја друга смисла. Очекувам големи промени на бојното поле за неколку дена и во понатамошното политичко дејствување кон Србија и од западната страна и од други меѓународни фактори“,
рече Вучиќ.
Инаку, таканеречените „самоубиствени“ дронови се мали и преносливи беспилотни летала кои носат боеви глави и детонираат при удар.