Цените на бензините, пак, денеска нема да се менуваат и ќе се продаваат по актуелните – еуросупер БС-95 за 84 денари за литар, а еуросупер БС-98 за 86 денари за литар
По намалувањето за два и пол денари во средата, цената на дизелот од полноќ ќе се намали за уште два денари, одлучи денеска Регулаторната комисија за енергетика (РКЕ). Освен дизелот, од полноќ, за два денари поевтинува и екстра лесното масло за домаќинство.
Па така, според одлуката на РКЕ, од полноќ литар дизел ќе се продава за 80 денари, а екстра лесното масло за домаќинство ќе чини 78,5 денари за литар. Цените на бензините денеска нема да се менуваат и ќе се продаваат по актуелните – еуросупер БС-95 за 84 денари за литар, а еуросупер БС-98 за 86 денари за литар.
Според денешната одлука на РКЕ, се врши намалување на малопродажните цени на нафтените деривати во просек за 0,98 отсто во однос на одлуката од 1 февруари.