Претседателот на Србија во понеделникот вечерта на Инстаграм им се обрати на граѓаните и порача дека „ќе ги преземе сите мерки за да го заштити српскиот народ на северот на Косово“, но не прецизираше за кои мерки станува збор
Српскиот претседател Александар Вучиќ синоќа се сретнал со српскиот патријарх Порфири, соопштија за Танјуг во Претседателството на Србија.
Средбата беше закажана за денеска во 12 часот, но од Претседателството не соопштија дека средбата е одложена.
Српскиот патријарх Порфириј во понеделникот беше вратен од административниот премин Мердаре.
Претседателот на Србија во понеделникот вечерта на Инстаграм им се обрати на граѓаните и порача дека „ќе ги преземе сите мерки за да го заштити српскиот народ на северот на Косово“, но не прецизираше за кои мерки станува збор.
Претседателот на Србија и врховен командант на српската војската, Александар Вучиќ, синоќа нареди воените сили и сите единици на МВР да бидат во највисок степен на борбена готовност, јавија српските медиуми.
Вучиќ наложи да се преземат сите мерки за заштита на српскиот народ на Косово. Тој во видео објава на Инстаграм профилот „будуќностсрбијеав“ изјави дека „даваме се од себе за да ги зачуваме мирот и стабилноста“.
„За жал, тие не сакаа да не слушаат или не беа многу заинтересирани да не слушнат. Денеска и на српскиот патријарх г. Порфириј му е забранет влезот на Косово и Метохија. Ова никогаш не се случило во историјата. И не им е грижа. Бесмислени соопштенија, неважно… Но и понатаму ќе продолжат да зборуваат само за српските барикади кои се само знак на незадоволство и борба на српскиот народ да биде свој на своето и ништо повеќе“,
наведе Вучиќ.